رسالة الى سامى الحاج فى غوانتناموا

قلبي معاك يا ســـــــامي يا إبن الحـــــــاج
أنـــــــا بأعتذر لك عن زمـــاني الفــــــــج
حـكم اللصـــــــوص كـافّــــة بقاع الأرض
والحق ضاع مافي يدّي غير أصيح وأحتج
......................
تصرخ ورايا ضحايا في كل حدْب وفـــج

فيــنـك يا حضـرة المحتــــــرم

يــــــــا عـــــــم يا محتــــــــــرم ياللي بنيــــــــت الـــــــــــهرم
لــــيه كــــــوزك امـــــــا اتـخرم قــــــــــعدت تـــبكي علــــــــــيه

احــــــترت انا في حضـــرتــــــك شـــــــــايف الــــعدا حـطـتــــك
ايـــــــه الــــلي بـــــــــيسكــــــتك و ايـــه بـــتــبـقي عليـــــــــه

مـا تقـــــول لي ايه العـمـــــــــل في دمـاغـــك اللي اتســطــل
و دراعــــك الـــــلي اتــــهــطـــل و الكــــل داســــــــــــو علـــيه

كـــــــــنت الـــعشـــــــم و المـــدد ضـــــد الخـــــراب و الهــــــدد
كـــــــامل حضـــــــــور العــــــــــدد نــــــرمي حمــــــولـــنا عليه

حـــــــالك ده مــــــا اغــــربـــــه مـــا بــين لصــوص ينهبوا
و حــــــــياري بـيهـبهـبــــــــــــوا وطــــنك يــــا حسـرة عليه

ashraf@ashraf.ru

سيادة صاحب الشمروخ
إبعت إيمــــــيلك لإيميلـــــــنا يوصل لك الشمروخ علي طول
واذا كنت عاوز تجــــــاملنا طول عمر خــــيرك بالمعــــقول
حيّ – ومســــــــيرك تقابلـــنا علي رأي ما الأمــــــــثال بتقول
الشعر لنا والنـــــــــــيل نيلنا حبل الوداد بــــيهم موصــــــول


صبر طيب
يا طبيب يا صاحبي علي ما داويتـه إفهـمني
يا ما كلـــت وشربت و اتخطيت حدود سنــي
ومانيـش فقيـر يا طبيب برغم ضيق الحــــال
لكنه بلبال في بالي قديـــــم مأزمنــــــــي
**
ليه جف مـــــــاء الحياة من نبعه ـــ جننــــيّ



العين بالعين ــ والبادي

مادام عملتم عساكركو أفندية ــ قميص وتي شيرت
يبقي إحنا من حقنا نلبس هدوم عســــــــــكر
العنف انت ابتديته لما افتريت وصغـــــــرت
راح نعمل ايه؟ في الحلوق طعم الكـــلام مرر
**
ويوم بعد يوم الوطن شئ منه بتخنـــــــــصر


كــابـــــــــــــوس عولمي

العالم صاحي في دماغي
بيهبل لجل يجيب داغي
يهزمني
يحرمني من لحظة هنيــّــة
من ضحكة عفوية
من نسمة عصرية
ف شمس عفية
من دمعة بتندي صداغي
لهفة شوق
من لمسة زوق
من راحتي .. من وقت فراغي
العالم صاحي علي رمشي
مستقتل إني ما أنامشي
يتقل علي كتفي لو أمشي
ولو أقعد ، أرقد ما أرتاحشي
أشرب أعطش
أهرب ما أقدرشي
أغضب من نفسي
أستغرب نفسي ما أفهمشي
أسمع ما أنطقشي
أقلق ما أسأ لشي
وأشوف ما ألمحشي
الخوف يجلدني وما باخا فشي
فرحان بغباوتي وما ازعلشي
يا تري أنا هــوّ أنا ؟
والا جري تبديلي
بأموت ميت مرة
وأعيش من بــّرة
وعلي حيلي
تهرسني في الطمي النيلي
أوهام جيلي
وحوافر خيلي
كعوب خيـا لة مخاليلي
تخنقني تضيق خلاخيلي علي رقبتي
ما الحقش الخلا ضاقت ساحتي
ما ادوقش الحلا ضايع وقتي
ما أشوفشي ضيا في آخر ليلي
الفرحة تموت في مواويلي
ياني يا ويلي ..ولا صدقتي
العالم مش صاحي دا ميت مستقتل
بيهبل في أم دماغي
مستعجل انه يجيب داغي
يطفي قناديلي
ياه ياني يا ويلي
ليه ما نطقتي
وبتفركي ملحك في جراحي
لا نهاري نهار ولا ليل ليلي
العالم با ينه اتجن
با يت صباحي ..ميت صاحي
مش طايق أوطان ولا دين
ولا فارقة معاه دا يسار ده يمين
في موت الأطفال يتفنن
بيقنن نشفان الريق
ذل المخاليق
الخوف والخنقة


أوقات الضيق ما تلاقي صديق
خراب الذمة جمر حريق
متعصب في رقه وهمــّه
بيعري العيبة المخفية
قارحة جليــّة
بيحق شريعته الحتمــّية
اللي دستورها بيقهرني..
يغدرني
وبكل بجاحة يبشرني
بقماير موت الحرية .


رحــــــــــــلات السندبــــــــــــــــاد البــــــــــــــــــــلدي

سيــــــــادته بيـــــزور إيرلنـــــدا ح يجيـــب لنـــا هبرة خرفـــــــــان
عشــــان ح نطبـخ ع الكبــــــدة قرعن و بـــامية و بدنــــجــــــان

يـــــاعم طب زورنا ف طنبــول أو مرة عدي علي مشتــــــــــول
يمـكن ترخص سعر الفـــــــول والا نطــــــول حق الدخـــــــــــان

في كل يــــــوم رحلة جديــــــــدة أو جـــــــولة ميمـــــونة سعيــــدة
واحــــنا علي ســــن حديــــــــدة مرهـــــونة علي آخـــــر فـــــــدان


واخد معاك جيش صحفيــــين م المعطـــــوبين والمخصيــــــين
يبيــــعوا لنــــا ع النوتة وبالدين الكدب ملفــــــوف في السيلوفـــان

تروح بـــــــاريس تفتح عكـــــــا وف رومـــــا ح تأسس شركـــــة
مع بــــوش اكيد داخلين عـــركة نجيب درفهـــــا جنـــوب لبنــــــان

وهمــــه يعجنـــــوا ويلتــــــــــوا ويفبركـــــــو مقــالات يفتـــــــوا
وان صيفــوا كان أو يشتــــــوا بيبدلـــــوا لــــــون القمصـــــــــان

ويعملولنــــا البحـــــر طحيــــــن ويعملـــــــوك ملك البــــحريـــــــن
الصلب في كفـــــــوفك بيـــــــلين وحمـــــارتك العرجـــــة رهــــوان

إذ كلمتك ع الكــــون ماشيـــــــة شمســـــك علي الحكــــــام غاشية
وما دام وراك أجدع حاشيــــــــة تبيع عيــــون في ســـوق العميـان

الخيـــــر وراه جاي لنا بالكـــوم دا ليل نهـــــار ما شــــافش النوم
وقــّــــع ولا خمسيــــــن مرسوم يحــــــولوا الفلـــح لألمــــــــــــان

إحتــــــار فؤادي من الأكاذيــــب مع إني قلــــمي بألف أديــــــــــب
وقلت اعمــــــل م المحاسيـــــب يمكن شرار الحـــــــق يبــــــــــان


وقلت برضـــه انا ليــّة حســــاب وكلت مرة رطــــــل كبـــــــــــــاب
وما نيــــــش بشبشب ولا قبقاب دانــــــا ما شاءالله فنـــــــــــــان

سألتــــــه عاملــــين وياك ايه ؟ يا سعادة البيه ..!
وحضرتك فرحــــــــــان كدة ليه وكل شئ بتخـبيـــــــه بـــــــــــــان

لا مصر ليــــــها طـــــور ترعاه ولا طحيـــــــن بــــــاقي يا ولـــداه
وحلــمــــــــنا اللي هلكنـــا وراه صبح هتيكة في خـــــبر كـــــــــان

بيـــــــن الأمم أو في الجــــامعة بقيــــــنا نحكي ولا أبـــــــــو لمعة
وصبحــــــنا في أخر دفعـــــــــة ما لنـــــاش حســـاب ولا لينا مكان

فكِــــــن و ارتــــــاح واستهــدي ومــد لك مـــــدة ف مــــــــــــــــدة
أصــــل البــــــــاروم أكل العـــدة ايه يعمـــــــل العــــيب في العدمان


عـــــتاب فـــــــات أوانــه

مــا ازعـلش لـو نــدل نســـا نـــــي
وعـــــويــــل .. ضحـك مـن أحزاني
لــكـن اللـــــي في يـــــــوم بكـــــاني
و دمــــــوعه ســــــــــا لت علشاني
مـن عتــــــرة الخـــــوف نجــــــاني
لمــــــــا ف بحــــــور شعـره رماني
علـــــــمنـــي اتهجـــــيّ الأوطـــــان
يحـــــــق لي انـــــي اعــــــاتبـــــــه
و أدق علي شبــــابيـــــــك قلبـــــــه
و أفـــــــــاخر الدنيــــــــا بـحبـــــــه
حتـــــــي ولــــــو فـــــات كــل أوان

مـــن حقـــــي تسمعـنـــي يا قاضـي
مـهـمن نكرتـنــــي أنـــــا راضـــــي
أنــا كنت حـــاضر مش مــــاضــــي
أسمــــر سمرمر مــــش أبيــــــض


كـــــان حقــــي تكتبـني ف عنــوان

دأنــــا صــــاحب الصــدر الأعرض
نـــــاحت عليـــــه كل الأحـــــــــزان
كان بيـــّـنا أيـــــــام وأراضــــــــــي
لـــعب وتفـــــانيـــــن وقــــواضـــي
حـــــواديت زعـــــل وغـرام وجنان
في ربــــــع لقمـــــة نتشـــــــــارك
نعشـــــم ابو زيـد بمســـــــالـــــك
ونلـــجـم الخــــــوف بمــــــــــدارك
نـــدي لخــــرس الجــــهل لســـــان
كل امــــــا نتعـــــــتر ننـــهـــــــض
كمــــــا انتفض م المـوت عريان
ونضرب المــــــــونة بإمعــتــــــــان
من الــــــهدد يعلا البنيــــــــــــــــان
نرفع سمــــــــــــاها بدون عمــــدان

من الخمسينـــــــات كنت البـــــكري
طرح الهـــوي مش طرح هـــــوان
سكنت في ضلـــــوعي وفكــــــري
عششت عصـــــافير في الوجــــدان

قريــــت لي بــــكره في الفنــــــجان
أبــــــوك سليّم كــــان شـــــــــاهد
علي ميـــــن مـــــوافي ومين جـاحد
وميــن إلي الأبــــد الآبــــــــد...
بــــاقي علي العشــــرة ولا خـــــان
وأبـــــــوي سليّم وّصـــــانــــي
أروي بشـــــعرك وجـــــــدانـــــــي
أرمـــــــح في دربــــك بحصـــانــي
مع ان عمري ما كـان لي حصـــان

الفــــن مش كلــــــه أغـــــنـــــــــي
ولا الفــروسيــــة معــــــــــــــارك
ولا السجــــــــون شكل السجـــــان
والطبـطبـة بحنـيـة حنـــــــــــــان
والرحـــمـــة فرض من الرحمـــــن
الفـن مـرهـــــــــون بالفنــــــــــــان
ما فيـهش ليه خدت مكـــــــــــاني
ولا نسيــــت يـــــوم العنــــــــــوان
ولا إيـه صحيح ولا مين غلطـان


لكـــن علي سلــــْو بلدنـــــــــــــا
السّهـــرة تحـــلي مع الخـــــــــلان
وحسب مــا قـــــال البستـــــــــاني
الخضرة أحلي في البستــــــــان
مذكــــــور بمعناه في القـــــرآن
العـــود وحيـــد زرع شيـطانــي
ســـر الخلـــــود في طمـــي النــيل
واحـد وشجــــــــره كتير الــــوان

السّرب لو كان جـــوز زغا ليــــل
با لحب يفرش علي فـــــــــــــدان
كدة علمـــونا ف ميت سلسيل
في المـــونة عرق الخلق دليـــــل
نعجن و نضرب طوب مواويـــل
تفـــــانين علي الوتر الإنســــــان

فؤاد حداد





سؤال برئ للى بيتاجروا بفؤاد حداد من مخبرين وأولاد وأصحاب أذون اعتماد أنامش مصدقكو
وواجبى أسألكو فين كنتو فين؟
لما كان قبله النبيل موجوع ومن الزمن مفزوع…؟
…وإلا الضحية بتحلا حين تصير موضوع جنبيها يتصورا
نـــــــــــــدل وغبـــــــــــــي وجــــــــــــربوع

فؤاد حداد لسمير عبد الباقى ابيض سمرمر شاطف المرمر



فارس طبيب لا نفسانى
يقول لك ع اللى مش باين
واللى مايروحش بالغسيل
عن العتاب بن لسلام والشجر
انسانى اصيل
ابيض سمرمر شاطف المرمر فى ميت سلسل
باطح باب الاحباط
رجع لى الروح ونسانى تقليد الروح
رجع لى اخرلاول صورة من حقى
الله يبقى